Ukraina prezidenti Vladimir Zelenskiy eger AQSh jetekshisi Donald Tramp eki mámleketti sóylestiriwge erise alsa, úsh jıllıq urıstı toqtatıw ushın Rossiya menen tikkeley jer sawdasın ámelge asırmaqshı. Bul haqqında «Politico» basılımı jazǵan.

– Bir aymaqtı basqasına almastıramız, – dedi Zelenskiy hám Rossiyaǵa Kursk wálayatınıń bir bólegi beriletuǵının ayttı. Bul ushın qaysı aymaqlar soralatuǵını haqqındaǵı sorawǵa bılay juwap berdi:
– Bilmeymen, kóremiz. Barlıq aymaqlarımız birdey áhmiyetli, hesh birinde ústinlik joq.
Keyingi dáwirde Ukraina energetika infrastrukturasına qarsı bir neshe iri dron hújimin uyımlastırǵan RF kúshleri Doneck wálayatı boylap alǵa qaray háreketleniwdi dawam etpekte.
Moskva ótken jılǵı áskeriy ámeliyat nátiyjesinde 3600 kvadrat kilometr maydandı iyelegen. Házir 20 procentke shamalas jańa aymaqtı qadaǵalamaqta. Kiev áskerleri bolsa, kerisinshe, Rossiyanıń uzaq batıs Kursk wálayatında 500 kvadrat kilometr jerine iyelik etpekte.

Qaraqalpaqstan xabar agentligi