Saudiya Arabstanı Patshalıǵı Densawlıqtı saqlaw ministrligi 2024-jıldıń dekabr ayında 2025-jıldan baslap Umra hám Haj ámellerin orınlaw ushın keletuǵın barlıq zıyaratshılardıń meningit infekciyasına qarsı shanıshılǵanı haqqındaǵı hújjetleri bolıwı shárt ekenligin talap etiwshi normativlik hújjet shıǵarǵan edi.

Sońǵı waqıtlarda sociallıq tarmaqlarda «Haj hám Umra zıyaratlarına barıwında meningitke qarsı vakcina alıw kerek delingen qarar biykar etildi, endi vakcina almastan Umraǵa barsańız boladı», degen mazmundaǵı xabarlar keńnen tarqalmaqta.
Sanepidkomitet bul xabarlar haqıyqatqa durıs kelmeytuǵının málim etti.
Atap ótilgenindey, Saudiya Arabstanı Umra hám Haj zıyaratlarına barıwshılarda meningit kselligine qarsı shanıshılǵanı haqqında hújjet bolıwı zárúr ekenligi rásmiy túrde biykar etpegen.
Mámleketimizge juqpalı keselliklerdi sırttan kirip keliwiniń aldın alıw hám epidemiologiyalıq turaqlılıqtı saqlap qalıw maqsetinde zıyaratshılardı meningitke qarsı shanıshıw usınıs etiledi, delinedi rásmiy maǵlıwmatta,-dep málimleme beredi xabar.uz saytı.

Qaraqalpaqstan xabar agentligi