Ózbekstan Respublikası Bas ministriniń orınbasarı – Еkonomika hám qarjı ministri Jamshid Qwchqorov Xalıqaralıq másláhát keńesiniń ekspertleri Alfred Guzenbauer, Alekandr Kvasnevskiy hám Shtefan Fyule menen ushırastı.

Ushırasıw aldında miymanlar Ózbekstanda sociallıq-ekonomikalıq tarawlarda ámelge asırılıp atırǵan reformalar, erisilgen nátiyjeler hám keleshektegi rejelerge joqarı baha berdi.
Soń bir qatar tiykarǵı baǵdarlar dodalandı. Atap aytqanda, salıq basqarmasın jetilistiriw, pensiya sistemasın rawajlandırıw, insan kapitalın arttırıw hám demografiyalıq dividendten nátiyjeli paydalanıw máseleleri boyınsha pikir alısıldı. Sonday-aq, aymaqlardı turaqlı rawajlandırıwda Evropanıń aldınǵı tájiriybelerin qollanıw áhmiyetli ekenligi atap ótildi.
Tárepler «jasıl» ekonomikanı xoshametlew, «jasıl» transformaciya processlerin jedellestiriw hám zamanagóy jáne turaqlı ıssılıq támiynatı sistemasın qáliplestiriw máselelerine ayrıqsha itibar qarattı. Sonıń menen birge, energiya nátiyjeliligin arttırıw hám migraciya menen baylanıslı ekonomikalıq potencialdı rawajlandırıw boyınsha birge islesiw imkaniyatları kórip shıǵıldı.
Ushırasıw juwmaǵında tárepler óz-ara birge islesiwdi bekkemlew hám keleshektegi birge islesiwdi jáne de rawajlandırıwǵa kelisip aldı.

N.Ziyodullaeva, ÓzA