Haywanlardıń kóship júriwshi túrleri planetamız ekosistemalarınıń ajıralmas bólegi bolıp esaplanadı. Tilekke qarsı, házirgi kúnde olar klimat ózgeriwi, jasaw orınlarınıń jaramsız jaǵdayǵa keliwi, nızamsız ań hám sawda sıyaqlı úlken qáwip-qáterlerge dus kelmekte.

Ózbekstan jabayı haywanlardıń kóship júriwshi túrlerin qorǵaw boyınsha xalıqaralıq birge islesiwdi baslap, biologiyalıq hár túrlilikti saqlaw baǵdarındaǵı háreketlerin dawam ettirmekte.
Ózbekstan Respublikası Еkologiya, qorgaǵan ortalıqtı qorǵaw hám klimat ózgeriwi ministrliginiń Jabayı haywanlardıń kóship júriwshi túrlerin saqlaw haqqındaǵı konvenciya (CMS) qatnasıwshıları 14-konferenciyasına basshılıǵı sheńberinde CMS sekretariatı menen birgelikte Berlin qalasında jańa mámleketlerdi Konvenciyaǵa tartıwǵa qaratılǵan joqarı dárejedegi ilaj shólkemlestirildi.
Ózbekstan Respublikasınıń Berlindegi elshixanasında Konvenciya sekretariatı menen birgelikte shólkemlestirilgen ilajda 50 den artıq joqarı dárejedegi wákil qatnastı.
Ilajda qorshaǵan ortalıqtı qorǵaw boyınsha mámleketimizdiń milliy hám xalıqaralıq kólemdegi strategiyası usınıldı. Еkologiya, qorshaǵan ortalıqtı qorǵaw hám klimat ózgeriwi ministri Aziz Abduhakimov CMS konvenciyasına jańa mámleketlerdiń qosılıwı áhmiyetli ekenligin atap ótip, Ózbekstan basshılıǵı (2024-2026-jıllar) dáwirinde shólkemge aǵza bolıwdan mápdar mámleketlerge zárúr járdem kórsetiwge tayar ekenligin bildirdi.
Taraw wákilleriniń atap ótiwinshe, jabayı haywanlardıń kóship júriwshi túrleriniń genetikalıq resursları qısqarmaqta, olardıń bahalı hám siyrek gezlesetuǵın túrleri, tábiyǵıy úylesiwlik hám ekosistemlar joq bolıp barmaqta. Izertlewlerge bola, jer betinen sońǵı 50 jılda olardıń 100 den artıq túri, Oraylıq Aziyada 12 túrdegi sút emiziwshiler joq bolıp ketti.
Ilajda Ózbekstannıń haywanlardıń kóship júriwshi túrlerin qorǵaw baslamasın ámelge asırıwdaǵı jetekshi roli atap ótilip, Samarqandta bolıp ótken Konvenciya qatnasıwshılarınıń 14-konferenciyasında qabıl etilgen qararlardı ámelge asırıw boyınsha háreketlerdi birlestiriw zárúr ekenligi atap ótildi.
Ózbekstan global ekologiyalıq kún tártibine sadıqlıǵın jáne bir márte tastıyıqlap, xalıqaralıq jámiyetti tábiyattı qorǵaw hám jabayı haywanlardıń kóship júriwshi túrleriniń turaqlı keleshegin támiyinlew boyınsha birgelikte ilaj kóriwge shaqıradı.

Muhayyo Toshqoraeva,
ÓzA