Jakartaǵa saparı sheńberinde Ózbekstan sırtqı isler ministri Baxtiyor Saidov indoneziyalı kásiplesi Sugiono menen ushırasıw ótkerdi. Bul haqqında mámleketimiz SIM baspasóz xızmeti xabar berdi.

Sóylesiw dawamında keń kólemli birge islesiwge baylanıslı túrli temalar qamtıp alınıp, bar qatnasıqlardı jáne de bekkemlew, eki xalqtı ele de jaqınlastırıw jolları dodalandı. Bekkem tiykarǵa iye eki tárepleme qatnasıqlardı rawajlandırıwda jeterli potencial bar ekenligi atap ótilip, ekonomikalıq diplomatiya tárepler ushın tiykarǵı baǵdar bolıp qalatuǵını atap ótildi.
Sóylesiw juwmaǵında diplomatiyalıq pasport iyeleri ushın vizasız rejim haqqındaǵı kelisimge qol qoyıldı. Bul ulıwma háreketlerdi jedellestiriwge qoyılǵan áhmiyetli qádem bolıp espalanadı.
Esletip ótemiz, Ózbekstan hám Indoneziya arasındaǵı diplomatiyalıq qatnasıq 1992-jılı 23-iyunde ornatılǵan. Endi mámleketlerimizdiń birge islesiwin bekkemlew ushın jańa imkaniyatlar ashıladı.

A.Alimova, ÓzA