Densawlıqtı saqlaw tarawında xalıqaralıq tájiriybeler menen tanısıw, bul baǵdarda aldıńǵı tájiriybelerdi úyreniw, engiziw, xalqımızdıń abadanlıǵı jolında birge islesiw bárqulla úlken áhmiyetke iye bolıp kelmekte.

Usınday xalıqaralıq birge islesiwdi dawam ettiriw maqsetinde Qaraqalpaqstan Respublikası Densawlıqtı saqlaw ministri M.Qurbanov Yaponiyanıń “Digital knowledge” akcionerlik jámiyetiniń wákillerin kútip aldı hám sóylesiwler alıp barıldı.
Álbette, bunday xalıqaralıq birge islesiwler elimizde medicina tarawın bunnan bılay da rawajlandırıw hám sapalı medicinalıq xızmet túriniń zaman talaplarına say bolıwına túrtki bermekte,–deydi ministrliktiń Xalıqaralıq sheriklik baǵdarınıń bas qánigesi Zamira Palwaniyazova.
Sáwbetlesiw dawamında medicina tarawında zaman talaplarına say xalıqaralıq joybar sheńberinde “Ana hám bala” baǵdarlamasın islep shıǵıw hám orta medicina xızmetkerlerin oqıtıw maqsetinde sırt elli qánigelerdiń pikir-usınısları tıńlandı.

Qaraqalpaqstan xabar agentligi.