Ózbekstan Respublikası Prezidenti Shavkat Mirziyoev 11-fevral kúni Rossiya Federaciyası Prezidenti Administraciyası basshısınıń orınbasarı Maksim Oreshkin basshılıǵındaǵı delegaciyanı qabıl etti.

Ushırasıw aldında Maksim Oreshkin mámleketimizdiń basshısına Rossiya Federaciyası Prezidenti Vladimir Putinniń sálemi hám eń jaqsı tileklerin jetkerdi.
Ótken jıl may ayında Ózbekstanda ámelge asırılǵan mámleketlik saparı hám basqa joqarı dárejedegi sóylesiwler dawmaında erisilgen kelisimlerdi tastıyıqlanǵan «jol kartası»na muwapıq ámelge asırıw máseleleri kórip shıǵıldı.
Sawda-ekonomikalıq birge islesiwdiń rawajlanıw pátin saqlap qalıw, sanaat kooperaciyası hám elektron kommerciyalıq joybarlardı qollap-quwatlaw, suw xojalıǵı, joqarı bilimlendiriw hám injener kadrlar tayarlaw, jasalma intellekt, mádeniy almasıw hám sport tarawlarında ámeliy birge islesiwdi keńeytiw boyınsha kompleksli ilajlar kóriwge ayrıqsha itibar qaratıldı.

ÓzA