ÓzLiDeP Qaraqalpaqstan Respublikası Keńesi tárepinen  “Jas isbilermenler” ligasınıń joybarı sheńberinde Qaraqalpaqstan Respublikasında birinshilerden bolıp akril vannaların islep shıǵarıwdı jolǵa qoyǵan, 10 jasdıń bántligin támiyinlegen jas isbilermen Azim Sidikovtıń kárxanasına media-tur shólkemlestirildi.

Media turda ÓzLiDeP Nókis qalalıq Keńesiniń deputatı G.Redjepova jas isbilermenniń kárxanası menen tanısıp, ol jerde islep atırǵan jaslar menen sáwbetlesti. Media-tur dawamında deputat isbilermenlikke qızıǵıwshı jaslarǵa hám jurnalistlerge elimizde jas isbilermenlerge jaratılıp atırǵan imkaniyatlar hám sharayatlar haqqında maǵlıwmatlar berdi.

– Házirgi kúnde óz ónimlerimizdi Respublika boylap satıwdı jolǵa qoyǵanbız. Jaqında qońsı mámleketlerge eksport etiwdi basladıq. Elimizde biz jaslar ushın hár tarawda imkaniyatlar júdá kóp. Tek ǵana biz sol imkaniyatlardan nátiyjeli paydalanıwımız kerek, – deydi jas isbilermen Azim Sidikov.

                              Qaraqalpaqstan xabar agentligi