Mámleketimiz boylap 2025-jıldıń fevral ayı «Jaslar arasında náshebentlik quralları hám psixotrop zatlar tarqalıwınıń aldın alıw» aylıǵı retinde belgilengen edi.
Kompleksli operativ-profilaktikalıq ilajdıń orınlanıwın támiyinlew maqsetinde Joqarı hám orta-arnawlı bilimlendiriw mákemeleri, ulıwma bilimlendiriw mekteplerinde hám máhállelerde náshebentlikti hám náshebentlik zatlar menen baylanıslı jınayatlardıń aldın alıw baǵdarında úgit-násiyatlaw jumısları ámelge asırılmaqta.
Bunday ilaj Tórtkúl rayonındaǵı 16-sanlı mektep oqıwshıları arasında da ótkerildi.
Úgit-násiyat ilajında Tórtkúl rayonlıq medicina birlespesiniń narkolog shıpakeri E.Sherimbetov hám rayonlıq medicina birlespesi salamatlıq bóliminiń baslıǵı R.Jumabaevlar jaslarǵa tema boyınsha keń túrde túsinikler berdi, deydi Tórtkúl rayonı málimleme xızmeti bergen maǵlıwmatında.
Qatnasıwshılar ózlerin qızıqtırǵan sorawlarǵa taraw qánigelerinen tolıq juwap aldı.
Qaraqalpaqstan xabar agentligi