Kóshpeli qabıllawlar xalıqtıń turmıs abadanlıǵın arttırıw, adamlardıń mashqalaların ornına barıp úyreniw hám unamlı sheshiliwine erisiwde úlken áhmiyetke iye.

Búgingi kúnde aymaqlarda usınday kóshpeli qabıllawlar jedel ótkerilip kelinbekte.
Ámiwdárya rayonı Choykól awılında sektor basshıları hám jaslar ushırasıwı bolıp ótti. Ushırasıwda jaslardıń hár qıylı mazmundaǵı múrájatleri qabıl etildi.
Sonday-aq, Babur awılında da sektor basshılarınıń puqaralardıń múrájatleri boyınsha kóshpeli qabıllawı bolıp ótti.
Ámiwdárya rayonı hákimligi málimleme bólimi baslıǵı Ch.Arslonovanıń málim etiwinshe, ushırasıwda sharwashılıq hám qusshılıqtı rawajlandırıw ushın kredit alıw, emleniw ushın materiallıq járdem beriw, perzentiniń joqarı bilimlendiriw ornındaǵı shártnama pulların tólewge járdem beriw sıyaqlı mashqalalar menen múrájat etti.
Puqaralardıń mashqalaları nátiyjeli sheshiliwi ushın tiyisli shólkemlerdiń juwapkerleri menen kelisip alındı hám óz sheshimin tabatuǵın boldı.

Qaraqalpaqstan xabar agentligi