Еnergiya resurslarınan nızamsız túrde paydalanıw jaǵdaylarına qarsı gúresiw tarawında nátiyjeli mámleketlik qadaǵalaw ámelge asırıladı.

Bul baǵdarda usı jılı 10-fevral kúni Prezidenttiń «Еnergiya resurslarınan nızamsız túrde paydalanıw jaǵdaylarına qarsı gúresiw tarawı jetilistiriliwi múnásibeti menen Ózbekstan Respublikası Prezidentiniń ayırım hújjetlerine ózgeris hám qosımshalar kirgiziw haqqında»ǵı Pármanı qabıl etildi.
Pármanǵa bola, Prezidentimizdiń ayırım hújjetlerine tómendegilerdi názerde tutıwshı ózgeris hám qosımshalar kirgizildi, sonıń ishinde:
-janar may- energetika resursların orınsız jumsaw hám olardan nızamsız túrde hám nátiyjesiz paydalanıw jaǵdayların anıqlaw;
-sapasız janar may ónimleri realizaciyasına sheklew qoyıw boyınsha mámleketlik qadaǵalawdı ámelge asırıw mexanizmlerin ápiwayılastırıw.
Atap aytqanda, Prezidentimizdiń 2023-jıl 24-maydaǵı Pármanına kirgizilgen qosımshaǵa bola, elektr energiyası, neft ónimleri hám gazden paydalanıwdı qadaǵalaw inspekciyası (Ózenergoinspekciya) tárepinen janar may-energetika resursların qazıp alıw, islep shıǵarıw, qayta islew, tasıw, saqlaw, jetkerip beriw, (bólistiriw, satıw) hám tutınıw jumısı menen shuǵıllanatuǵın xojalıq júrgiziwshi subyektlerde olardıń jumısın tártipke salıwshı nızamshılıq hújjetlerine ámel etiwi boyınsha ótkeriletuǵın qadaǵalaw ilajları sheńberinde sutkanıń qálegen waqtında ótkeriletuǵın tekseriwler baslanǵannan soń 24 saat ishinde «Birden-bir mámleketlik qadaǵalaw» málimleme sistemasında dizimge alıw arqalı wákillikli uyımdı xabardar etiw tártibinde ámelge asırıladı,-dep málimleme beredi xabar.uz saytı.

Qaraqalpaqstan xabar agentligi