Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimliklerine Еkologiya, qorshaǵan ortalıqtı qorǵaw hám klimat ózgeriwi ministrligi menen kelisilgen halda ekologiya hám «jasıl rawajlanıw» máseleleri boyınsha konsultantlar xalıqaralıq qarjı institutlarınıń grant qarjıları esabınan tartıladı.

Prezidenttiń bıyıl 7-fevralda qabıl etilgen usı jılǵı mámleketlik baǵdarlamaǵa baylanıslı pármanında atap ótiliwinshe, bul «aymaqlarda qorshaǵan ortalıqtı qorǵaw boyınsha jumıslardı nátiyjeli shólkemlestiriw, aymaqlıq mámleketlik uyımlar hám shólkemlerdiń bul baǵdardaǵı jumısın jetilistiriw» maqsetinde ámeliyatqa qollanılmaqta.
Sonday-aq, mine, usı maqsetlerde 2025-jıl 1-sentyabrden baslap rayon (qala) dárejesinde ekologiyalıq pasportlar hám ekologiyalıq master rejeler hám aymaqlardıń ekologiyalıq reytingin islep shıǵıw hám keń jámiyetshilikke usınıw ámeliyatı engiziledi.
Tartılatuǵın konsultantlardıń jumısın muwapıqlastırıwǵa bolsa Еkologiya, qorshaǵan ortalıqtı qorǵaw hám klimat ózgeriwi ministri A.Abduhakimov juwapker etip belgilengen.

Qaraqalpaqstan xabar agentligi