Mámleketimiz basshısınıń Malayziyaǵa saparı waqtında «BMB HOLDING» ko mpaniyası wákilleri hám usı mámlekettiń abıraylı sawda hám distribyutorlıq kompaniyalarınıń basshıları menen eki tárepleme paydalı ushırasıwlar ótkerip, paydalı kelisimlerge eristi.

Kompaniyanıń sırtqı ekonomikalıq qatnasıqlar bólimi baslıǵı Sardor Rozuqulov usı jıldıń 6-fevral kúni Malayziya paytaxtı Kuala-Lumpur qalasında jergilikli sawda hám distribuciya kompaniyalarınıń basshıları menen ushırasıwlar ótkerdi.
Issheń ruwxta ótken bul ushırasıwlarda Ózbekstanda islep shıǵarılıp atırǵan awıl xojalıǵı ónimleri, sonıń ishinde, sobıqlı eginler hám keptirilgen ónimler hám Jizzaq wálayatınınıń Baxmal rayonında jetistirilgen hám qayta islenip, qadaqlanǵan «BMBZa’faron» ónimlerin Malayziya bazarına eksport etiw imkaniyatları hár tárepleme dodalandı.
Sonday-aq, ónimlerdiń sertifikatlastırılıwı, sawda tarmaqlarında jaylastırılıwı, logistika máseleleri, distribyutorlar hám sawda tarmaqları menen tikkeley kelisimler ústinde jumıs alıp barıw máseleleri kórip shıǵıldı.
Nátiyjede kompaniyalar menen birge islesiw qatnasıqların izbe-iz dawam ettiriw hám olardıń «BMB HOLDING» jumısı hám imkaniyatları menen tanısıwı ushın elimizge saparın shólkemlestiriwge kelisip alındı.

A.Qayumov, ÓzA