Usı kúnleri Tailand mámleketiniń Pxitsanulok provinciyasında velosporttıń shosse túri boyınsha Aziya chempionatı bolıp ótpekte.

Chempionatqa qatnasıp atırǵan Ózbekstan saylandı komandası búgingi kúnge shekem 3 altın hám 1 qola medalın jeńip alıp, ulıwma komandalıq esapta birinshi orındı iyelep kelmekte.
Atap aytqanda, saylandı komanda jasları aralas estafetada jeńimpaz bolǵan bolsa, bunnan keyin Samira Ismoilova jekkelik bellesiwlerde altın medal iyesine aylandı.
Keshe ótkerilgen jarısta bolsa, hayal-qızlar arasında tájiriybeli Yanina Kuskova báygi sızıǵına birinshi bolıp jetip keldi hám Aziya chempionlıǵın qolǵa kirgizdi.
Al, U-23 jas kategoriyasında bellesiwlerge qatnasqan Asal Rizaev da óziniń shaqqanlıǵı arqasında qola medalın jeńip alıwǵa miyasar boldı.
Jarıs ele dawam etpekte.

Adilbay Orazov,
Qaraqalpaqstan xabar agentligi sholıwshısı