Elimizde transport quralllarınıń sanı keskin artıp barıwı atmosfera hawasınıń pataslanıwı, densawlıqqa baylanıslı mashqalalardıń kóbeyiwi, sonday-aq, qalalarda shań, zıyanlı gazler hám tútin muǵdarınıń artıwına baylanıslı xalıq múrájatleriniń kóbeyiwine sebep bolmaqta.

Taraw wákilleriniń atap ótiwinshe, AI-80 markadaǵı benzin janar mayınan waz keshiw nátiyjesinde transport qurallarınan atmosfera hawasına taslanıp atırǵan pataslandırıwshı elementler kólemi keskin azayıp, hawanıń sapası sezilerli dárejede jaqsılanadı.
Еkologiya, qorshaǵan ortalıqtı qorǵaw hám klimat ózgeriwi ministrligi baspasóz xızmetiniń málim etiwinshe, 2025-jıl 1-maydan baslap keń jámiyetshiliktiń wákilleri, sociallıq tarmaq paydlanıwshıları, xalıqtıń pikirin inabatqa alǵan halda Tashkent hám Nókis qalaları hám wálayat oraylarında tómendegi baǵdarlarda jańa joybarlardı ámelge asırıwǵa shek qoyıladı:
– asbest, cement islep shıǵarıw, shlam hám shlaklar;
– teri- iylew, qusshılıq fabrikaları;
– nátiyjeliligi joqarı bolǵan shań-gaz tazalaw imaratları menen úskenelenbegen hár qanday túrdegi kómir jaǵıw;
– qara hám reńli metallurgiya zavodları, quramında záhárli aralaspalar bolǵan ayna, záhárli ximiyalıq elementler menen islew;
– qáwipsizlik dárejesiniń I hám II klasına tiyisli shıǵındılardı qayta islew hám jaǵıw kárxanaları.
– Sonday-aq, 2025-jıldıń aqırına shekem barlıq kúsh hám resurslardı jumsap, xalıqtı sapalı, ekologiyalıq taza hám arzan janar may menen támiyinlegen halda AI-80 marqalı avtomobil janar mayınan paydalanıwǵa hám satıwǵa shek qoyıladı.

ÓzA