BMSh Bas Assambleyası 2013-jıl 20-dekabrde «Rawajlanıw maqsetlernidegi ilim, texnika hám innovaciyalar» haqqındaǵı rezolyuciyanı qabılladı.

Hújjette usı tarawda gender teńlikti támiyinlew kepilligi sıpatında qálegen jastaǵı hayal-qızlardıń ilim, texnika hám innovaciyalardıń tabıslı rawajlanıwınan teńdey hám tolıq paydalanıw imkaniyatı atap ótildi.
Aradan eki jıl ótkennen soń, BMSh Bas Assambleyasınıń 2015-jıl 22-dekabrdegi jalpı májilisinde 11-fevral «Ilim tarawındaǵı hayal-qızlardıń xalıqaralıq kúni» sıpatında járiyalandı.
Bul sáne hár jılı elimizde de keńnen belgilenedi. Usı jıldıń 10-15-fevral kúnleri «Ilimli hayal – jámiyet aynası» atamasında háptelik bolıp ótedi.
Háptelikte ilimpaz hayal-qızlar hám ilimiy izlenisler alıp barıp atırǵan izertlewshi, student hám oqıwshı-qızlardıń qatnasıwında bilimlendiriw mákemelerinde hám máhállelerde ilimiy-ámeliy ánjumanlar, hayal-qızlardıń ilim-bilimge bolǵan qızıǵıwshılıǵın arttırıwǵa qaratılǵan hár qıylı ilajlar ótkeriledi.
Sonıń ishinde, Tashkent mámleketlik ekonomika universitetinde ótkerilgen «Hayal, biznes hám innovaciya» atamasındaǵı forumda háptelikke start beriledi.
Sonday-aq, háptelik sheńberinde bir qatar forum hám ánjumanlar ótkeriledi.
Atap aytqanda, Jáhán ekonomikası hám diplomatiya universitetinde «Ózbekstan ilimpaz hayal-qızlarınıń xalıqaralıq masshtabtaǵı ornı» temasında forum, Tashkent ximiya texnologiyaları institutında «Hayal-qızlardı STEAM tarawına tartıw: jetiskenlikler hám mashqalalar» temasındaǵı xalıqaralıq forum, Tashkent mámleketlik shıǵıstanıw universitetinde «Turaqlı rawajlanıw: inklyuziv bilimlendiriw hám hayal-qızlardıń baslamaları» temasındaǵı xalıqaralıq forum, Ózbekstan Ilimler akademiyası tárepinen «Hayal-qızlardıń ilim hám jetekshiliktegi ornı» temasındaǵı ilaj bolıp ótedi.
Sonıń menen birge, Milletleraralıq qatnasıqlar hám sırt eller menen doslıq baylanısları komitetinde «Kóp milletli Jańa Ózbekstanda ilimniń rawajlanıwı hám isbilermenlikti rawajlandırıwdıń ózine tán basqıshları» temasında xalıqaralıq ánjuman, Tashkent mámleketlik texnika universitetinde «Injener hayal-qızlar – 2025» forumı hám kórgizbe shólkemlestiriw názerde tutılǵan.
Tashkent málimleme texnologiyaları universitetinde «Málimleme texnologiyaları tarawında hayal-qızlardıń ornı» temasında forum hám kórgizbe, Jáhán ekonomikası hám diplomatiya universitetinle «Ózbekstan jas ilimpaz qızları – Úshinshi Renessans jaratıwshıları» temasında ánjuman, Mendeleev atındaǵı Rossiya ximiya texnologiyaları universitetiniń Tashkent filialında «Global hayal-qızlar túsligi» ilajları shólkemlestiriledi.

Nazokat Usmanova,
ÓzAnıń xabarshısı