Germaniyanıń Vayssenxaus qalasında sıylıq qorı 750 000 AQSh dolların qurawshı abıraylı turnir ózbekstanlı jas grossmeyster Javohir Sindоrov ushın tabıslı bolıp keldi.

Atap aytqanda, ol turnirdiń sherek finalında dúnya reytinginde 3-orındı iyelep turǵan amerikalı Hikaru Nakamuranı 3:1 esabında jeńip, turnirdiń yarım finalına shıǵıwǵa eristi.
Búgin turnirdiń yarım finalında Javohir Sindоrov dúnya reytinginde ekinshi orındı iyelep turǵan Fabiano Karuanaǵa qarsı oyınǵa tússe, ekinshi yarım finalda Magnus Karlsen germaniyalı Vinsent Keymer menen final jollaması ushın óz-ara bellesedi.
Bul ushırasıwdıń barlıǵı da Tashkent waqtı menen saat 17:00de baslanadı.

Adilbay Orazov,
Qaraqalpaqstan xabar agentligi sholıwshısı