Qaraqalpaqstan medicina institutında ózbek ádebiy tiliniń tiykarın salıwshısı, shayır hám mámleketlik ǵayratker, ǵázzel múlkiniń sultanı Áliysher Nawayınıń tuwılǵanına 584 jıl tolıwı múnásibeti menen ádebiy keshe shólkemlestirildi.
Keshege instituttıń professor-oqıtıwshıları, student-jaslar hám ǵalaba xabar qurallarınıń wákilleri qatnastı.
Ilajda medicina insitutınıń jaslar máseleleri, ruwxıylıq hám aǵartıwshılıq isleri boyınsha birinshi prorektorı Z.Aleuov, Ájiniyaz atındaǵı Nókis mámleketlik pedagogikalıq institutınıń ózbek ádebiyatı kafedrası docenti, filologiya ilimleriniń doktorı S.Matyakupov hám basqalar shıǵıp sóylep, ullı danıshpan shayır hám oyshıl Áliysher Nawayınıń ómiri hám dóretiwshiligi, dúnya ádebiyatındaǵı tutqan ornı haqqında keń túrde maǵlıwmatlar berdi.
Student-jaslar ullı shayır dóretpelerinen úzindiler oqıdı.
Ótkerilgen keshede studentler shayır dóretiwshiligi menen baylanıslı ózlerin qızıqtırǵan sorawlarına juwap aldı.

Adilbay Orazov,
Qaraqalpaqstan xabar agentligi sholıwshısı