Berdaq atındaǵı Qaraqalpaq mámleketlik universitetinde Germaniyada bilim alıw hám oqıw imkaniyatlarına baǵıshlanǵan seminar bolıp ótti.
Onda Shet tilleri fakulteti dekanı Dj.Kurbanbaev, Xalıqaralıq reyting jumısın monitoring etiw bólimi baslıǵı I.Joldasbaev, Nemis tili hám ádebiyatı kafedrasınıń baslıǵı D.Berdimuratov hám student-jaslar qatnastı.
Ilajda SPA joybarı menedjeri Shonosir Shoraxmedov qatnasıp, student-jaslarǵa 2025-jıl ushın oqıw baǵdarları, viza máseleleri hám sırt elde bilim alıw procesi haqqında bahalı maǵlıwmatlar berdi.
Sonday-aq, studentler hám professor-oqıtıwshılar Germaniya joqarı bilimlendiriw sisteması, grant baǵdarlamaları, stipendiyalar hám oqıw ushın zárúr bolǵan hújjetler haqqında tolıq maǵlıwmatlarǵa iye boldı.
Viza alıw procesi, arza tapsırıw basqıshları hám Germaniyada studentler ushın jaratılǵan sharayatlar haqqında túsinik berildi.
Seminar dawamında qatnasıwshılar ózlerin qızıqtırǵan sorawlarǵa juwap aldı. Germaniyada oqıwdı qálewshi student-jaslar ushın áhmiyetli usınıslar berildi.

Qaraqalpaqstan xabar agentligi