Kelesi 12 aylıq múddette xalıqtıń joqarı inflyaciyalıq kútilmeleri sawda tarawınıń wákilleri tárepinen bildirilgen.
Yanvar ayında xalıqtıń kelesi 12 aylıq inflyaciyalıq kútilmeleri ótken ayǵa qaraǵanda ózgerissiz saqlanıp qalıp, 14,4 procentke teń boldı. Bul haqqında Oraylıq bank málimlemesinde málim etildi.

Esabat dáwirinde keleshekte bahalarǵa arttırıwshı basım kórsetiwi múmkin bolǵan tiykarǵı faktorlar sıpatında kommunallıq xızmetler qımbatlaytuǵının atap ótken respondentlerdiń úlesi kóbeygen bolsa, janılǵı hám energiya resurslarınıń qambatlawı, valyuta kursınıń ózgeriwi, transport qárejetleriniń artıwı hám bahalardıń jasalma arttırılıwın atap ótken xalıq respondentleriniń úlesi azayǵan.
Sonday-aq, xalıqtıń joqarı inflyaciyalıq kútilmeleri sawda tarawınıń wákilleri tárepinen bildirilgen bolsa, keleshekte bahalar qáliplesiwi boyınsha salıstırmalı tómen kútilmeler awıl xojalıǵı tarawınıń wákilleri tárepinen júz berdi.
Xalıq inflyaciyalıq kútilmeleriniń joqarı kórsetkishi Tashkent wálayatında, salıstırmalı tómen inflyaciyalıq kútilmeler bolsa Jizzaq wálayatında jasap atırǵan xalıq tárepinen atap ótildi.

Qaraqalpaqstan xabar agentligi