Belarus Respublikasınıń mámleketimizdegi jańadan tayınlanǵan Ayrıqsha hám tolıq huqıqlı elshisi Aleksandr Ogorodnikov Ózbekstan sırtqı isler ministri Baxtiyor Saidovqa isenim jarlıǵınıń nusqasın tapsırdı.

Ministrliktiń maǵlıwmatına bola, ushırasıw waqtında eki mámleket arasındaǵı birge islesiwdiń házirgi jaǵdayı hám perspektivaları dodalanǵan. Atap aytqanda, sawda-ekonomikalıq hám gumanitarlıq sheriklikti jáne de bekkemlew, parlamentleraralıq qatnasıqtı rawajlandırıw hám aymaqlar arasındaǵı birge islesiwdi jedellestiriw máseleleri boyınsha pikir alısıldı.
Esletip ótemiz, 2025-jıl 14-yanvar kúni Belarus Prezidenti Aleksandr Lukashenko sanaat ministriniń birinshi orınbasarı Aleksandr Ogorodnikovti 2018-jıldan baslap islep kelgen Leonid Marinichtiń ornına Ózbekstandaǵı jańa elshi etip tayınlaw haqqında qarar qabıl etken edi.

ÓzA