Sońǵı jılları elimizde deputatlarǵa úlken wazıypalar júklenip, olardıń jumıslarında belsendilikti arttırıwǵa ayrıqsha itibar qaratılmaqta.

Ózbekstan Respublikası Oliy Majlisi Senatınıń Ilim, bilim hám densaulıqtı saqlaw komiteti baslıǵınıń orınbasarı, senator Oral Ataniyazova xalıq deputatları Nókis qalalıq Keńesiniń alıp barıp atırǵan jumısları menen tanısıw maqsetinde, qalalıq Keńes deputatları menen ushırastı.
Ushırasıwda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, Nókis qalası jergilikli Keńes sekretariat baslıǵı T. Doshekenov hám Nókis qalalıq Keńesi deputatları qatnastı.
Ilajda senator O. Ataniyazova tárepinen Oliy Majlis Senatı Kengashiniń «Xalıq deputatları jergilikli Keńeslerdiń jumısların úlgili shólkemlestiriw haqqında»ǵı qararı hám basqa da qabıl etilip atırǵan qararlardıń áhmiyetin túsindiriwde deputatlardıń belsendiligin arttırıw kerek ekenligi atap ótilip, bul boyınsha deputatlardıń pikir-usınısları tıńlandı.
Sonday-aq, Xalıq deputatları Nókis qalalıq Keńesiniń jumısın úlgili shólkemlestiriw boyınsha wazıypalar belgilep alındı.

Qaraqalpaqstan xabar agentligi