Házirgi waqıtta respublikamızdaǵı barlıq mákeme hám shólkemlerdegi kásiplik awqamlarınıń 2024-jıl dawamında Jámáátlik shártnama bántleriniń jumıs beriwshi hám kásiplik awqamı komiteti tárepinen orınlanıw juwmaqları hám 2020-jıldıń fevral ayınan 2025-jıldıń fevral ayına shekemgi dáwirdegi kásiplik awqam komiteti tárepinnen islegen jumısları boyınsha esabat-saylaw jıynalısları bolıp ótpekte.

Usınday jıynalıs 7-fevral kúni Ózbekstan Mámleketlik kórkem óner hám mádeniyat institutı Nókis filialında da ótkerildi.
Jıynalısqa kásiplik awqamı shólkemindegi filial xızmetkerleri qatnastı.
Kún tǝrtibinde Jámáátlik shártnamanıń 2024-jılda orınlanıwı, tekseriw komissiyasınıń esabatı haqqında, qǝsiplik awqamı komiteti aǵzaların saylaw, kǝsiplik awqam komiteti baslıǵın saylaw, tekseriw komissiyası aǵzaların saylaw, tekseriw komissiyası baslıǵın saylaw hám joqarı kǝsiplik awqamı uyımı konferenciyasına delegat hám wákillerdi saylaw máseleleri kórip shıǵılıp, dodalandı.
Jıynalısta Ózbekstan Mámleketlik kórkem óner hám mádeniyat institutı Nókis filialınıń direktorı Amanjol Ayapov, kásiplik awqamı komiteti baslıǵı Berdaq Begjanov, Tekseriw komissiyasınıń baslıǵı Jabbarbergen Xojanovlar esabat berdi.
Ulıwma jıynalısta Ózbekstan kásiplik awqamları Federaciyasınıń miynet inspekciyasınıń fizikalıq hám yuridikalıq táreplerdiń múrájatleri menen islesiw sektorınıń baslıǵı G.Rzaeva, Ózbekstan transport, jol hám kapital qurılıs, qurılıs industriyası xızmetkerleri kásiplik awqamı Respublikalıq Keńesi baslıǵınıń orınbasarı B.Sultanovlar shıǵıp sóylep, ótkerilip atırǵan ilajlardıń jumıs beriwshi hám xızmetkerlerdiń óz-ara qatnasıǵın, miynet intizamın bekkemlew, jumısshılardıń huqıqları menen nızamlı máplerin qorǵawdaǵı áhmiyetine keńnen toqtap ótti.
Ózbekstan kásiplik awqamları Federaciyası Qaraqalpaqstan Keńesiniń shólkemlestiriw bólimi meńgeriwshisi G.Ilmuradova, Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komitetiniń baslıǵı J.Ayapov, Qaraqalpaqstan Respublikası Mádeniyat ministrliginiń bólim baslıǵı P.Avezmuratov hám basqalar kún tártibindegi kórilgen máseleler, berilgen maǵlıwmatlar boyınsha pikir-usınısların bildirip, tiyisli qararlar qabıl etildi.

Qaraqalpaqstan xabar agentligi.