Nókis rayonı hákimliginde Qaraqalpaqstan Respublikası Ministrler Keńesi baslıǵınıń orınbasarı M.Axmedovanıń basshılıǵında ushırasıw bolıp ótti.

Ushırasıwǵa rayon hákiminiń orınbasarı Ó.Xasanov, Beruniy rayonınan isbilermen G.Allambergenova hám máhálle belsendileri qatnastı.
Onda rayon aymaǵındaǵı hayal-qızlardıń jámiyetlik turmıstaǵı jámiyetlik-siyasiy belsendiligin arttırıw, olardıń bántligin támiyinlew, isbilermenlik kónlikpelerin qáliplestiriw máselelerine toqtap ótildi.
Sonday-aq, isbilermen G.Allambergenovanıń tájiriybesi boyınsha Nókis rayonında da «1000 qusshılıq» joybarın ámelge asırıwdı jolǵa qoyıw, úy sharayatında hayal-qızlardıń bántligin támiyinlew kerekligi atap ótildi.

Qaraqalpaqstan xabar agentligi