Oliy Majlis Nızamshılıq palatasınıń Innovaciyalıq rawajlanıw hám málimleme texnologiyaları máseleleri komiteti hám Sanlı texnologiyalar ministrligi janındaǵı Sanlı texnologiyalar hám jasalma intellektti rawajlandırıw ilimiy-izertlew institutı arasında óz-ara birge islesiw memorandumına qol qoyıldı.

Ilaj sheńberinde dáslep qatnasıwshılar, sonıń ishinde, parlament wákilleri hám miymanlar jasalma intellekt tarawında ámelge asırılıp atırǵan jumıslar, bul baǵdardaǵı eń sońǵı jetiskenlikler hám qosımsha imkaniyatlar menen jaqınnan tanıstı. Atap aytqanda, Ózbekstanda jasalma intellektti rawajlandırıw boyınsha ámelge asırılıp atırǵan joybarlar, AI texnologiyalarınan paydalanıw perspektivaları haqqında maǵlıwmatlarǵa iye boldı.
Memorandumnıń maqseti nızamshılıqtı jetilistiriw, nızam dóretiwshiligi procesinde jámiyetshiliktiń qatnasın keńeytiw, huqıqıy mádeniyattı arttırıw hám mámlekettiń rawajlanıwına strategiyalardı qollap-quwatlawdan ibarat.
Birge islesiw sheńberinde innovaciyalıq rawajlanıw, málimleme texnologiyaları, atap aytqanda, jasalma intellekt tarawınıń ilimiy-ámeliy mashqalaların izertlew, sırt el tájiriybesin úyreniw, ilimiy izertlewler ótkeriw hám nızam hújjetleriniń mánisin keń jámiyetshilikke jetkeriw sıyaqlı jumıslar ámelge asırıladı.
Atap ótilgenindey, bul Memorandum parlament hám ilimiy jámiyetshilik arasında nátiyjeli birge islesiwdi bekkemlewge xızmet etedi. Bul bolsa, óz gezeginde, jámiyet talapları hám máplerin nızamlarda tolıq sáwlelendiriwge hám Ózbekstanda ámelge asırılıp atırǵan demokratiyalıq reformalardıń nátiyjeliligin arttırıwǵa úles qosadı.

N.Rahmonova,
ÓzA