Qaraqalpaqstan Respublikası Awıl xojalıǵı ministrliginde eksport penen shuǵıllanıwshı isbilermenler menen ushırasıw shólkemlestirildi.

Onda Qaraqalpaqstan Respublikası Awıl xojalıǵı ministriniń orınbasarı N.Kayupov, taraw qánigeleri hám Koreya Respublikasınan kelgen JShJ basshıları Hong yoon Ho hám Park Dal Young qatnastı.
Ushırasıwda eksport potencialın keńeytiw boyınsha Qaraqalpaqstan Respublikasında jetistirilip atırǵan másh ónimlerin diyqan hám fermer xojalıqlarınan satıp alıp, olardı qayta islew hám sırt mámleketlerge eksport etiw jumısların jolǵa qoyıw boyınsha sóylesiwler alıp barıldı. Sonıń menen birge, aldaǵı waqıtları basqa ónimlerdiń de eksportın jolǵa qoyıw boyınsha pikir-usınıslar bildirildi.

Qaraqalpaqstan xabar agentligi.