Búgin Qıtaydıń Xarbin qalasında qısqı Aziya oyınlarınıń ashılıw máresimi bolıp ótedi.

Aziya kontinetiniń 34 mámleketinen 1275 sportshı qatnasatuǵın bul jarısta mámleketimizdiń sport delegaciyası da qatnasadı. Atap aytqanda, 24 sportshımız 6 sport túri boyınsha elimizdiń abırayın qorǵaydı. Sonıń ishinde, short-trekte Daniil Eybog va Denis Ayrapetyans, konkide juwırıwda Danila Semerikov, taw lıjasında Medet Nazarov, Arman Gayupov, Nikita Gorkovskiy, Sabina Rejepova, Valeriya Kovalyova, Kseniya Grigoreva, Mariya Morozova, lıja alpinizminde Mohinur Aralova, Feruza Boboqulova, Еyzoza Shaymardanova, Asila Shoyimova, Jasur Shamsiddinov, Maqsudxon Akobirov, Shohruh Sardorov, Еyzozbek Xushvaqtov, figuralı sırǵanawda Ekaterina Geynish, Dmitriy Chigirev, Niginabonu Jamoliddinova, Sevinch Rahimova, biatlonda Rolan Raimqulov, Dilmurod Abdurahmonovlar bellesiwlerge kirisedi.
Ózbekstan Milliy Olimpiada komitetiniń málim etiwinshe, «Lıja alpinizmi boyınsha saylandı komandamız aǵzaları Jasur Shamsiddinov penen Feruza Boboqulova Xarbin-2025 qısqı Aziya oyınlarınıń ashılıw máresiminde mámleketimiz bayraǵın kóterip, delegaciyamızdı stadionǵa alıp shıǵadı.
Ashılıw máresimi mámleketimiz waqtı menen saat 17:00 de baslanadı.

Adilbay Orazov,
Qaraqalpaqstan xabar agentligi sholıwshısı