Prezident xızmetler tarawında básekige shıdamlılıqtı arttırıw tikkeley aymaq hám tarmaqlardı sanlastırıw dárejesi menen baylanıslı ekenligin atap ótti.

Kadastr agentligine kóshpes múlk mánzilleriniń birden-bir reestrin tez waqıt ishinde aqırına jetkeriw, Transport ministrligine barlıq túrdegi jolawshı transportına bilet alıw imkaniyatın beretuǵın birden-bir platformanı iske qosıw keshigip atırǵanlıǵı kórsetip ótildi.
-Qaytalap aytaman. Qaysı basshı sanlastırıwdı keshiktirse –ashıq-aydınlıq siyasatımızǵa qarsı shıqqan boladı,-dedi Prezident.
Ministrler Kabinetine hár bir ministr hám hákimge sanlastırıw boyınsha óz aldına KPI, anıq wazıypa hám múddetlerdi belgilep beriw tapsırıldı.
Mısalı, Turizm komiteti turistler miymanxana, dem alıw orayların «bron» etiw, avia hám temir jol, muzey, teatrǵa bilet satıp alıw, gid hám dilmashlardı jallaw sıyaqlı xızmetlerdi aralıqtan turıp alıw imkaniyatın beretuǵın birden-bir platformanı iske túsiriwi kerek.
Yaki, Sırtqı isler hám Ádillik ministrlikleri Ózbekstanǵa kiriw ushın elektron vizanı 3 kúnde rásmiylestiriw imkaniyatın jaratıwı kerek.

ÓzA