Qaraqalpaqstan Respublikası Pedagogikalıq sheberlik orayında túrkiy xalıqlar ádebiyatınıń kórnekli wákili, ózbek ádebiy tiliniń tiykarın salıwshısı, shayır hám mámleketlik ǵayratker, ǵázzel múlkiniń sultanı Áliysher Nawayınıń tuwılǵanına 584 jıl tolıwı múnásibeti menen “Navoiy yodi-la yashaymiz mudom” atamasında ilaj shólkemlestirildi.
Atap ótilgenindey, ullı shayır hám oyshıl, belgili mámleketlik hám jámiyetlik ǵayratker Áliysher Nawayınıń biybaha dóretiwshilik-ilimiy miyrası tek ǵana xalqımızdıń emes, sonıń menen birge, dúnya ádebiyatı tariyxında, milliy mádeniyatımız hám ádebiy estetikalıq oylarımızdıń rawajlanıwında ayrıqsha orınǵa iye.
Ullı shayır óziniń poeziyalıq hám prozalıq shıǵarmalarında ulıwma insanıy ideyalardı ulıǵlap, ózbek tiliniń sóz baylıǵı hám sheksiz túsindiriw imkaniyatların kórsetip berip, jer júzindegi millionlaǵan kitapqumarlardıń júrek tórinen múnásip hám bekkem orın iyeledi.

Ilajda qatnasıwshılarǵa Áliysher Nawayınıń ómir jolı hám enciklopediyalıq bilimleri haqqında tapsırmalar berildi.
Ilaj dawamında taraw qánigeleri, muǵallimler Nawayı ǵázellerinen úzindiler oqıp, óz-ara pikir alıstı.

Qaraqalpaqstan xabar agentligi