Prezident Shavkat Mirziyoevtiń basshılıǵında videoselektor málimlemesi dawam etpekte .
Servisti rawajlandırıw boyınsha, ministr hám hákimlerde qatnas hár qıylı ekeni, birgelikte islesiw jolǵa qoyılmaǵanı kórsetip ótildi.
Máselen, Xorezmge 6 million jergilikli hám sırt elli turist alıp keliw rejelestirilgen bolsa da, Xorezmge háptesine 52 aviareys hám 23 poezd qatnawında tasılıp atırǵan jolawshılar jılına 800 mıńnan artpay atır. Buxara hám Samarqandqa kelgen turistlerdiń kópshiligi Xiywaǵa aviareys bolmaǵanı ushın qaytıp ketpekte.
Jáne bir mısal, jeti jılda jeke menshik klinikalardıń sanı 3 esege arttı. Kóp klinikalar alıp kelingen brend medicinalıq úskenelerdi dizimnen ótkeriw 6 ayǵa shekem sozılıp atırǵanınan narazı bolıp, shetten keletuǵın úskenelerdi ápiwayılasqan tártipte dizimnen ótkeriw usınısın bermekte.
Orınlarda medicinalıq laboratoriya ashıw ushın isbilermenler akkreditaciyadan ótiwge aylap waqıt jumsamaqta. Tosqınlıqlar oǵada kóp. Dáslepki esap-sanaqlarǵa bola, hár bir wálayatta onlaǵan usınday isbilermenler bar. Olar 1 million dollardan pul qoyıp, laboratoriya ashıwǵa tayar.

ÓzA