Prezident Shavkat Mirziyoevtiń basshılıǵında xızmet kórsetiw tarawların rawajlandırıw boyınsha tiykarǵı wazıypalardıń orınlanıwı boyınsha videoselektor májilisi baslandı.

Úsh jıl aldın qabıl etilgen xızmetler sektorın rawajlandırıw boyınsha úlken baǵdarlama búgin nátiyjesin berip atırǵanı atap ótildi.

Qosımsha 1,5 million xalıq servis tarawında turaqlı dáramatqa iye boldı. Xızmetler 2018-jıldaǵı 19 milliardtan 65 milliard dollarǵa arttı (ósiw – 3,5 ese).

Ásirese, IT, qarjı xızmetleri, turizm, aviaciya, bilimlendiriw hám medicina tarawlarında «úlken sekiriw» boldı.

Sońǵı jeti jılda xalıqtıń dáramatı hám tólem qábileti 2 esege óskeni nátiyjesinde xalıqta jańasha xızmet hám servis túrlerine talap artpaqta.

Soǵan jarasa ministrler hám hákimler talapqa say túrde xızmetlerdi rawajlandırıwı kerek ekenligi atap ótildi.

ÓzA