Búgin Oliy Majlis Senatı Baslıǵınıń birinshi orınbasarı Sodiq Safoev Túrkiyanıń Ózbekstandaǵı Ayrıqsha hám Tolıq huqıqlı elshisi Olgan Bekardı qabıl etti.

Ushırasıwda eki mámleket basshılarınıń siyasiy erk-ıqrarı, óz-ara isenimge tiykarlanǵan doslıq qatnasıqları sebepli Túrkiya hám Ózbekstan arasındaǵı qatnasıqlar jáne de joqarı basqıshqa kóterilgeni jáne keń kólemli strategiyalıq sheriklik qatnasıqları bekkemlengeni ayrıqsha atap ótildi.
Olgan Bekar Ózbekstanda Prezidentimizdiń basshılıǵında alıp barılıp atırǵan keń kólemli demokratiyalıq reformalarǵa joqarı baha berdi hám óziniń jumısı dáwirindegi birge islesiw joybarların ámelge asırıwǵa qatnasqanınan qanaatlanǵanın bildirdi.
Sáwbet barısında parlamentleraralıq baylanıslardıń kólemi keńeygeni, doslıq toparları hám aymaqlararalıq qatnasıqlardıń jedelleskenine de toqtap ótildi.
Parlamentleraralıq sóylesiwdi rawajlanıdırıw sawda-ekonomikalıq, investiciyalıq jáne texnologiyalıq, mádeniy-gumanitarlıq hám basqa da tarawlardaǵı joqarı dárejede erisilgen kelisimlerdi basqıshpa-basqısh ámelge asırıwǵa xızmet etetuǵını atap ótildi.

Qaraqalpaqstan xabar agentligi