Ózbekstan Respublikası Prezidentiniń 2024-jıl 6-maydaǵı «Ózbekstan Respublikasında náshebentlik quralları hám psixotrop zatlardıń nızamsız aylanısına shek qoyıw arqalı olardıń xalıqtıń salamatlıǵı hám mámleketimiz genofondına unamsız tásirin saplastırıwdıń strategiyalıq ilajları haqqında»ǵı PF-73-sanlı Pármanı qabıl etilgen edi.

Beruniy rayonı hákimligi málimleme xızmeti bóliminiń baslıǵı A.Urazovanıń málim etiwinshe, usı pármanǵa tiykarlanıp 2025-jıldıń 1-fevraldan 1-martqa shekem uyım hám shólkemler menen birgelikte, «Jaslar arasında náshebentlik quralları hám psixotrop zatlar tarqalıwınıń aldın alıw» kompleksli operativ-profilaktikalıq ilajın ótkeriw boyınsha ushırasıw bolıp ótti.
Ushırasıwda Ózbekstan Respublikası Prezident Administraciyası janındaǵı narkotiklerdi qadaǵalaw milliy orayınıń bas qánigesi J.Yusupov, Respublikalıq qánigelestirilgen ruwxıy salamatlıq ilimiy-ámeliy medicina orayınıń bólim baslıǵı J.Toirov náshebentlik hám psixotrop zatlardıń insan organizmine unamsız tásiri, jaslardıń keleshegine qáwipler, insan genofondına tásiri boyınsha málimlemeler berdi.
Bul baǵdardaǵı úgit-násiyat ilajların kúsheytiw, perzentlerimizdiń ómirine biypárwa bolmaw kerek, – dedi Beruniy rayonı hákiminiń orınbasarı D.Karimov ushırasıw qatnasıwshılarına.
Ushırasıw qatnasıwshıları ózlerin qızıqtırǵan sorawlarına juwap aldı.

Qaraqalpaqstan xabar agentligi