Ózbekstan Milliy málimleme agentligi mámleketimizdegi eń iri málimleme dáreklerinen biri sıpatında ózbek jurnalistikasında ayrıqsha orın iyeleydi.

Agentlik óziniń media resursları arqalı sırt el ǵalaba xabar quralları menen de jedel málimleme almasıwın jolǵa qoyǵan. Bul bolsa mámleketimizdiń dúnyadaǵı imidjin arttırıwda úlken áhmiyetke iye.
Andrey Kondrashov, Rossiyanıń TASS málimleme agentliginiń Bas direktorı:
– ÓzA jıllar dawamında ózin abıraylı hám isenimli málimleme dáregi sıpatında kórsetip kelmekte. Agentlik xızmetkerleri joqarı sheberlik, kásipke sadıqlıq sezimleri menen keń jámiyetshiliktiń húrmeti hám isenimine erisken.
Itibarlı tárepi, házirgi kúnde Ózbekstan Milliy málimleme agentligi xalıqaralıq jurnalistikanıń rawajlanıwında da áhmiyetli orın iyelep, mámleket, region hám dúnyadaǵı eń áhmiyetli siyasiy, ekonomikalıq, sociallıq, mádeniy hám sport tarawlarındaǵı waqıyalardı zamanagóy talaplar dárejesinde sáwlelendirmekte.
Keleshekte ÓzA global málimleme mákanındaǵı ornın jáne de bekkemlep, tatıw hám tilekles jámáát tarawımızdıń rawajlanıwına múnásip úles qosıwda dawam etetuǵınına isenemen.
ÓzAǵa úlken tabıslar, turaqlı ósiw hám rawajlanıw tileymiz. Hár bir jańa kún sizlerge sheksiz ilham, imkaniyat hám tabıs keltirsin!
Sodontogos Еrdenetsogt, Mongoliya Milliy málimleme agentligi – MONTSAME Bas direktorı:
– Ózbek jurnalistikası búgin óz jumısına dúnyadaǵı tariyxıy tájiriybeler hám zamanagóy tendenciyalardı engizgen halda ózine tán, biytákirar kóriniske iye bolmaqta. Ápiwayıraq etip aytqanda, qalıs hám haqıyqıy málimleme tarqatıw, mámleket hám dúnya kólemindegi áhmiyetli waqıyalardı oqıwshıǵa operativ, isenimli túrde jetkeriw arqalı málimleme mákanınıń rawajlanıwına úlken úles qospaqta.
Sońǵı jılları ÓzA rawajlanıw jolında zamanagóy texnologiyalardan paydalanıp, málimleme tarqatıw sistemasın turaqlı jetilistirip atırǵanınan xabarım bar.
Pursattan paydalanıp, Agentlik dúzilgen kún menen ÓzAnıń barlıq dóretiwshilik xızmetkerlerine jańa tabıslar, joqarı sheklerdi iyelewde úlken tabıslar tileymiz. Keleshekte qatnasıqlarımız jáne de nátiyjeli, mazmunlı bolatuǵınına isenemiz.
Jobir Salim Al-Harmiy, Qatardıń «Ash-Sharq» gazetasınıń bas redaktorı:
– Ózbekstan Milliy málimleme agentligi – ÓzA jurnalistleriniń tırısqaqlıǵı, kásibine sadıqlıǵı menen málimleme hám kommunikaciya tarawınıń bekkem tiykarın jaratıwda áhmiyetli orın iyeleydi. Házirgi kúnde bolsa bul tatıw jámáát tez, anıq hám isenimli málimleme beriw, dúnyalıq tájiriybeni ózlestiriw, xalıqaralıq baylanıslardı bekkemlew imkaniyatınan da únemli paydalanbaqta. Bir sóz benen aytqanda, Agentlik tek ǵana mámlekette emes, al pútkil regionda joqarı abırayǵa iye.
Búgingi sáne múnásibeti menen ÓzA basshıları hám dóretiwshi xızmetkerlerine tabıs, turaqlılıq hám áwmet tileymen.
Raushan Kajibaeva, «Qazaqstan Respublikası Prezidenti teleradiokompleksi» NAJ Bas direktorı:
– «Málimleme ásiri» dep atalmısh házirgi dáwirde dúnya mámleketlerindegi baspasóz hám ǵalaba xabar qurallarınıń jumısı birden-bir sistema sıpatında kóz aldımızǵa keltirip bolmas, kerek bolsa, aqılǵa sıymaytuǵın aǵımǵa aylanbaqta.
Globallasıw pútkil planetamızǵa jedellik penen óz húkimin ótkeriwge urınıp atırǵan bir waqıtta hár qanday jámiyetti buzǵınshı ideyalardan saqlaw, olarǵa qádiriyatlar, úrp-ádetler, dástúrler ruwxın sińdiriwde ǴXQ teńsiz orın iyeleydi.
Ózbek jurnalistikasınıń mine, usınday mashaqatlı jolında Ózbekstan Milliy málimleme agentligi aldıńǵılar qatarında múnásip qádem taslamaqta.
33 jıllıq áyyyamın belgilep atırǵan ÓzA jámáátine saw-salamatlıq, dóretiwshilik kamalat, ilham hám jaqsı maqsetler júzege shıǵıwın tilep qalamız.

ÓzA