Usı jıldıń 5-fevral kúni sociallıq tarmaqlar arqalı Nókis qalasında jaylasqan jeke menshik mektepke shekemgi bilimlendiriw shólkeminde tárbiyashı balalarǵa qopal qatnasta bolǵanı hám basqa da unamsız háreketleri sáwlelendirgen videolar tarqaldı.

Usı jaǵday boyınsha Qaraqalpaqstan Respublikası prokuraturası rásmiy múnásibet bildirdi. Onda atap ótiwinshe, videokórinis sáwlelengen jaǵday 2024-jıl noyabr ayında Nókis qalasında jaylasqan jeke menshik mektepke shekemgi bilimlendiriw shólkeminiń tárbiyashısı R.Sh. hám járdemshi tárbiyashı D.S. tárepinen islengen.

Bul jaǵday boyınsha Nókis qalası prokuraturası tergewge shekem tekseriw háreketlerin alıp barmaqta. Nátiyjesine bola, nızamlı qarar qabıl etiliwi Qaraqalpaqstan Respublikası prokuraturası tárepinen qadaǵalawǵa alındı.

Qaraqalpaqstan xabar agentligi