Ózbekstanda bir adamnıń bir aylıq minimal paydalanıw qárejetleri 669 mıń sum dep járiyalandı.

Statistika agentliginiń bergen maǵlıwmatına bola, Prezidenttiń PQ-114-sanlı hám Húkimettiń 544-sanlı qararlarına tiykarlanıp minimal paydalanıw qárejetleriniń qunı qayta esaplanǵan.
«2024-jıl dekabr ayında may ayına salıstırǵanda esaplanǵan paydalanıw bahaları indeksinen kelip shıǵıp, 2025-jıl ushın esaplanǵan minimal paydalanıw qárejetleriniń qunı bir ayda adam basına 669 mıń sumdı quraydı»,-delinedi Agentlik xabarında.
Minimal paydalanıw qárejetleriniń qunın esaplaw tártibine tiykar, aldaǵı jıl ushın minimal paydalanıw qárejetleri azıq-awqat, azıq-awqat emes, ónimleri hám xızmetler bahaları dárejesinen kelip shıǵıp, indeksaciyalanıp barıladı.
Dúnya tájiriybesinen minimal paydalanıw qárejetleri kórsetkishinen kámbaǵallıq shegarası sıpatında paydalanıw keń tarqalǵan bolıp, bul kórsetkishten:
Mámlekettiń materiallıq hám basqa sociallıq járdemlerine mútáj xalıqtıń maqsetli (target) toparın anıqlaw;
Kámbaǵallıqqa qarsı gúresiw strategiyası hám baǵdarlamalarında belgilengen wazıypa hám ilajlardıń nátiyjeliligi hám mánzilliligin arttırıw, sonday-aq, olardıń turaqlı monitoringin arttırıw;
Pensiyalar hám napaqalardıń eń az muǵdarın belgilew, sonday-aq, kámbaǵal shańaraqlarǵa beriletuǵın basqa túrdegi materiallıq járdemlerdi kórsetiwde kriteriya sıpatında paydalanıladı.
Sońǵı ret minimal paydalanıw qárejetleri muǵdarı 2024-jıl aprel ayında belgilengen hám ol 648 sumdı quraǵanın esletip ótemiz,-dep málimleme beredi xabar.uz saytı.

Qaraqalpaqstan xabar agentligi