4-5-fevral kúnleri Nókis qalasındaǵı 1-sanlı sport mektebinde U-17 jaslar arasında futzal boyınsha «Sport mektepler ligası» turniri bolıp ótti.

Turnirde Nókis qalası hám rayonlardan 12 komanda qatnastı.
Eki kún dawam etken turnirdiń finalına respublikalıq qánigelestirilgen sport mektebi hám Taqıyatas rayonı sport mektebi komandaları jetip keldi.
Qızıqlı ótken oyın juwmaǵında, taqıyataslı jas futbolshılardı 5:3 esabında jeńip shıqqan, respublikalıq qánigelestirilgen sport mektebiniń tárbiyalanıwshıları birinshi orındı jeńip alıwǵa eristi.
Al, úshinshi orın ushın bolǵan bellesiwde bolsa, Kegeyli hám Taxtakópir rayonları sport mektepleri komandasına óz-ara ushırasıp, onda taxtakópirli jaslar 5:6 esabında jeńip shıǵıwǵa miyasar boldı.
Jarıs sońında jeńimpaz komandalar shólkemlestiriwshiler tárepinen tayarlanǵan arnawlı diplom, kubok hám medallar menen sıylıqlandı.

Adilbay Orazov,
Qaraqalpaqstan xabar agentligi sholıwshısı