Mámleketimizde bilimlendiriw tarawında alıp barılıp atırǵan reformalar tiykarında jańadan mektep imaratları salınıp, eskilerine ońlaw jumısları alıp barılıp, keleshek áwladtıń zaman talapları tiykarında bilim alıwı ushın keń imkaniyatlar jaratılmaqta. Usı baǵdarda alıp barılıp atırǵan jumıslardıń dawamı retinde Xojeli rayonı «Mádeniyat» máhállesinde jaylasqan 41-sanlı ulıwma orta bilim beriw mektebiniń jańa qosımsha imaratı paydalanıwǵa tapsırıldı. Ashılıw saltanatına rayon hákimi J.Ermashev, bilimlendiriw tarawı wákilleri hám mektep jámááti qatnastı. Zamanagóy imarat 510 orınǵa mólsherlengen bolıp, Prezidentimizdiӊ 2023-jıl 25-dekabrdegi «2024-2026-jıllarda Ózbekstan Respublikasınıӊ sociallıq hám óndirislik infrastrukturasın rawajlandırıw ilajları haqqında»ǵı qararı tiykarında qurıp pitkerilip, qurılıs jumıslarına 3,8 mlrd.sumlıq qarjı jumsalǵan.
Ilaj dawamında, miymanlar mekteptiń ishki sharayatları menen jaqınnan tanısıp, oqıwshılar ushın jaratılǵan qolaylıqlardı joqarı bahaladı.

Qaraqalpaqstan xabar agentligi