Keshe Еlit chempionlar ligasında 7-tur oyınları bolıp ótti.

Atap aytqanda, usı tur sheńberinde Tashkenttiń «Paxtakor» klubı Qatar mámleketiniń «Al-Garafa» komandasına qarsı oyınǵa tústi.
Keskin ótken oyınnıń birinshi taymında maydan iyeleri «Paxtakor» dárwazası aldında bir neshe márte qáwipli hújimler shólkemlestirdi hám usınday hújimlerdiń birin «Al-Garafa» sárdarı Ferjani Sassi anıq ámelge asırdı.
Ekinshi taymda «Paxtakor» klubı bas treneri hújimdi kúsheytiw maqsetinde, bir neshe oyınshılardı maydanǵa túsirdi. Atap aytqanda, oyınnıń 68-minutında Abdurauf Bwrievtiń ornına Diyor Xolmatov, Igor Sergeevtiń ornına Brayan Riaskos, Bashar Resannıń ornına Otabek Jwraqwzievlar maydanǵa túsip, tashkentlilerdiń hújimlerin kúsheytiwge eristi. Biraq, olardıń bul háreketleri óz nátiyjesin bermedi hám ushırasıw 1:0 esabında juwmaqlandı.
Bul turdan soń «Paxtakor» klubı 4 upay menen turnir kestesinde 10-orındı iyelep tur.
Quramında ózbekstanlı Oston Wrinov oynaytuǵın Irannıń «Persepolis» klubı bolsa, bul turda topar jetekshisi «Al-Hilol»ǵa 4:1 esabında jeńilip qaldı. Bul oyınǵa Oston Wrinov burın alǵan jaraqatı sebepli qatnasa almadı.

Adilbay Orazov,
Qaraqalpaqstan xabar agentligi sholıwshısı