Ózbekstan Respublikası Prezidenti Shavkat Mirziyoev Malayziya Bas ministri Anvar Ibrohimniń mirát etiwine bola 4-fevral kúni keshte rásmiy sapar menen usı mámleketke keldi.

Kuala-Lumpur xalıqaralıq aeroportında mámleketimiz basshısın Malayziya parlamenti Wákiller palatasınıń spikeri Johari bin Abdul, bilimlendiriw ministri Zambri Abdulqodir hám basqa da rásmiy adamlar kútip aldı.
Ózbekstan jetekshisiniń saparı húrmetine húrmetli qarawıl sap tarttı, eki mámlekettiń mámleketlik bayraqları kóterildi.
Prezidentimiz aeroportta Malayziya parlamenti Spikeri menen ushırasıw ótkerdi. Bolajaq joqarı dárejedegi ushırasıwlardıń kún tártibi boyınsha pikir alısıldı.
Parlamentler sheńberinde jedel birge islesiw hám almasıwlardı dawam ettiriw, óz-ara sapar etiwler hám doslıq toparları ilajların shólkemlestiriw, nızam shıǵarıw máselelerinde ámeliy birge islesiwdi jolǵa qoyıw, áhmiyetli investiciyalıq, infrastrukturalıq, sociallıq hám mádeniy-gumanitarlıq baǵdarlamalardı ámelge asırıwǵa járdemlesiw máselelerine ayrıqsha itibar qaratıldı.
Sapar etiw baǵdarlamasınıń tiykarǵı ilajları 5-fevral kúni bolıp ótedi.
Ózbekstan Prezidenti hám Malayziya Bas ministri joqarı dárejede sóylesiwler ótkeredi hám Ózbekstan-Malayziya biznes forumına qatnasadı. Sammit juwmaǵında bir qatar húkimetleraralıq hám uyımlararlıq hújjetlerge qol qoyılıwı názerde tutılǵan.

ÓzA