Qaraqalpaqstan Respublikası bajıxana basqarması «Dawıt-ata» shegara bajıxana postı kishi inspektor-kinologi S.Aytjanovqa biriktirilgen «Runi» laqaplı rus spanieli xızmette óz iyesine úlken járdemshi esaplanadı.

2024-jıl dawamında Runi óziniń siyrek ushırasatuǵın talantı arqalı 18 kg 100 gr mefedron náshebentlik quralları, 2,37 gr opiy hám 770 túp kóknarı náshebentlik quralınıń mámleketimiz shegaraları arqalı alıp kiriliwiniń aldın alıwda úlesi úlken boldı. Qatardaǵı bajıxanashı dosları menen iyinles turıp, ásirese, náshebentlik qurallarınıń mámleketimiz aymaǵına kirip keliwiniń aldın alıw jolında qosqan úlesi búgin Milliy kinologiya orayı tárepinen múnásip dep tabılıp, Runi «xızmet iyti belgisi» menen sıylıqlandı.
Bul belginiń gezektegi iyesi «Qaraqalpaqstan» temir jol shegara bajıxana postı kishi inspektor-kinologi D.Salimovqa biriktirilgen «Aylan» laqaplı xızmet iyti boldı. Náshebentlik quralları hám valyutalardı izlewde tórt ayaqlı járdemshi oǵada qáwipli náshebentlik quralı esaplanıwshı geroin hám opiydi izlep tabıw boyınsha úlken tájiriybege de iye.
Usı sıyaqlı xoshametlewler tiykarında bul xızmet iytleri biriktirilgen hám olarǵa tárbiya berip atırǵan kishi inspektor-kinologlarǵa berilgen baha bolıp esaplanadı. Bajıxana sistemasında kinologiya xızmeti jáne de rawajlanıp, keleshekte de nızamlı tovarlar háreketin anıqlawda taraw xızmetkerlerine úlken tirek bolıwı gúumansız.

ÓzA