Nókis qalasında jaylasqan Respublikalıq sporttıń oyın túrleri hám jeńil atletika sport túrlerine qánigelestirilgen sport mektebinde sporttıń Gandbol túrinen 14 jastaǵı jas óspirimler arasında Qaraqalpaqstan chempionatı bolıp ótti.

Chempionatqa Respublikamızdıń barlıq qala hám rayonlarınan jámi 10 komanda qatnasıp, jeńimpazlıq ushın óz-ara bellesti.
Oǵada qızıqlı ótken oyınlar juwmaǵında, maydan iyeleri esaplanǵan Nókis qalası gandbolshıları barlıq qarsılasların jeńip shıǵıp, Qaraqalpaqstan chempionı ataǵına miyasar boldı.
Final oyınında chempionlarǵa jeńilip qalǵan Shımbay rayonı Sport mektebi tárbiyalanıwshıları ekinshi, Qanlıkól rayonı Sport mektebi jasları úshinshi orınǵa ılayıq dep tabıldı.
Jeńimpazlar shólkemlestiriwshiler tárepinen tayarlanǵan diplom hám medal menen sıylıqlandı.

Adilbay Orazov,
Qaraqalpaqstan xabar agentligi sholıwshısı