Xalıqtıń bántligin támiyinlew hám qámbaǵallıqtı qısqartıw máselelerine sońǵı jılları úlken itibar qaratılmaqta. Usı baǵdarda respublika kólemindegi seminar bolıp ótti.

Ámiwdárya rayonı hákimliginde shólkemlestirilgen seminarda Qaraqalpaqstan Respublikası Ministrler Keńesiniń juwapkerleri, ministrlik, respublikalıq hám rayonlıq kólemdegi shólkemlerdiń basshıları, qala hám rayonlar hákimleriniń qarjı, ekonomika hám kámbaǵallıqtı qısqartıw máseleleri boyınsha birinshi orınbasarları qatnastı, deydi Ámiwdárya rayonı hákimiligi málimleme xızmeti bóliminiń baslıǵı Ch.Arslonova.
Seminar óz-ara bilim hám tájiriybe almasıw maqsetinde ótkerildi. Shıǵıp sóylegenler kún tártibindegi máseleler boyınsha pikir-usınısların bildirdi.
Qatnasıwshılar rayon aymaǵındaǵı awıl hám máhállelerde qıytaq jerden nátiyjeli paydalanıw, isbilermenlikti rawajlandırıw hám qámbaǵallıqtı qısqartıw baǵdarında ámelge asırılıp atırǵan jumıslar menen tanıstı.

Qaraqalpaqstan xabar agentligi