Ózbekstan Respublikası Prezidentiniń «Mektepke shekemgi bilimlendiriw sapasınıń nátiyjeliligin jáne de arttırıw boyınsha qosımsha ilajlar haqqında»ǵı Pármanına tiykarlanıp, Ózbekstan Respublikası Mektepke shekemgi hám mektep bilimlendiriwi ministrliginiń tiyisli buyrıǵı tiykarında mektepke shekemgi bilimlendiriw shólkemlerinde jumıs isleytuǵın qánigelerdiń sheberligin arttırıw boyınsha bir qatar jumıslar ámelge asırılmaqta.
Beruniy rayonındaǵı 7 hám 41-sanlı mektepke shekemgi bilimlendiriw shólkemlerinde «Metodikalıq sheberlik kúni» hám «Metodikalıq sheberlik saatı» temasında oqıw ilajı ótkerildi.
– Seminardaǵı ámeliy hám teoriyalıq sabaqlardı A.Avlaniy atındaǵı pedagogikalıq sheberlik milliy institutında trenerler ushın shólkemlestirilgen oqıw kursında qatnasıp, mamanlıq arttırǵan trener-mentorlar alıp bardı. Qızıqlı interaktiv kóriniste alıp barılǵan seminar treningte iyelegen bilimlerin ózleri jumıs alıp barıp atırǵan mektepke shekemgi bilimlendiriw shólkemlerinde ótkeriwdi jolǵa qoyadı, – deydi Beruniy rayonı hákimligi málimleme xızmeti bóliminiń baslıǵı A.Urazova.

Qaraqalpaqstan xabar agentligi