– Prezident Shavkat Mirziyoevtiń házirgi rásmiy saparı mámleketimiz basshısınıń sońǵı 20 jıl ishindegi usı mámleketke dáslepki saparı,-deydi Ayrıqsha hám tolıq huqıqlı elshi Karomidin Gadoev «Bernama» málimleme agentligine bergen intervyuinde. – Bul tariyxıy sapar boladı.

Elshiniń sózlerine bola, bul mámleketimiz jetekshisiniń, ulıwma, Qubla-shıǵıs Aziyaǵa birinshi saparı. Bul sapar sheńberinde Kuala-Lumpur Bas ministri menen ushırasıwlar, birgeliktegi biznes-forum hám basqa da ilajlar rejelestirilgen. Dodalawlar waqtında Ózbekstan hám Malayziya arasındaǵı sawda, investiciya, innovaciya, texnologiyalar, neft-ximiya, elektronika, jasıl energiya, aqıllı awıl xojalıǵı, turizm, mádeniy-gumanitarlıq almasıw sıyaqlı tarawlardaǵı birge islesiwdi bekkemlewge ayrıqsha itibar qaratıladı.
Sonday-aq, sheriklik kólemin keńeytiwge qaratılǵan birgeliktegi bildiriw hám kelisimler toplamına qol qoyılıwı kútilmekte.
Diplomatımız sapar aldınan Malayziyada Ózbekstannıń turistlik hám mádeniy miyrası imkaniyatın kórsetiw, joqarı bilimlendiriw tarawın birgelikte tereńlestiriwge qaratılǵan bir qatar ilajlar shólkemlestirilgenin qosımsha etti.

Muharamma Pirmatova, ÓzA