Ózbekstan Respublikası Ministrler Kabineti «Ózbekstan Respublikası Mámleket shegarası arqalı fizikalıq táreplerdiń háreketleniwi hám olar tárepinen tovar hám transport quralların alıp ótiw processlerin jáne de ápiwayılastırıw haqqında» qarar qabıl etti.

Oǵan muwapıq:
«Еlektron gezek» avtomatlastırılǵan málimleme sistemasınan paydalanǵan halda, avtotransport quralların Mámleket shegarası arqalı ótkeriw punktinen háreketleniw tártibi haqqındaǵı reje;
Fizikalıq táreplerdiń Mámleket shegarası arqalı ótkeriw punktinen hárekleniwinde «Fast-track» xızmetinen paydalanıw tártibi haqqındaǵı reje;
«Еlektron gezek» avtomatlastırılǵan málimleme sisteması birinshi gezekte engiziletuǵın Mámleket shegarası arqalı ótkeriw punktleri dizimi tastıyıqlandı.
2025-jıl 1-maydan:
fizikalıq tárepler ushın «Fast-track» avtomatlastırılǵan málimleme sisteması usı qararda atap ótilgen shegara ótkeriw punktlerinde ámeliyatqa engiziledi;
avtotransport quralları ushın «Еlektron gezek» avtomatlastırılǵan málimleme sisteması usı qararda atap ótilgen shegara ótkeriw punktlerinde, respublikanıń qalǵan shegara ótkeriw punktlerinde bolsa transport qurallarınıń háreketleniw aǵımınan kelip shıǵıp, basqıshpa-basqısh engiziledi.

ÓzA