Burın xabar bergenimizdey, 2025-jıldıń 5-9-aprel kúnleri 190 mámleketti birlestirgen Parlamentleraralıq awqamnıń eń iri xalıqaralıq ilajı – 150-yubiley Assambleyası Ózbekstanda bolıp ótedi.

Senatta Parlamentleraralıq awqamnıń 150-yubiley Assambleyasın Tashkent qalasında ótkeriw ushın shólkemlestiriw máseleleri boyınsha Awqam sekretariatı wákilleri menen gezektegi onlayn sóylesiw bolıp ótti.
Onda Parlamentleraralıq awqamnıń 150-yubiley Assambleyasın ótkeriw boyınsha Shólkemlestiriw komitetiniń dúzilgeni, Senat Baslıǵınıń basshılıǵında onıń birinshi májilisi bolıp ótkeni hám arnawlı shtab jumıs baslaǵanı atap ótildi.
Sóylesiw dawamında sırt el delegaciyaların qabıllaw, sonıń ishinde, viza máselelerin sheshiw, respublikamızdıń turizm imkaniyatın kórsetiw hám Assambleya sheńberinde ótkeriletuǵın bir qatar ilajlardı joqarı dárejede shólkemlestiriw máseleleri dodalandı.
Sonday-aq, Parlamentleraralıq awqam sekretariatı wákilleriniń mámleketimizge saparın shólkemlestiriwge kelisip alındı.

N.Abduraimova,
ÓzA