Statistika agentliginiń maǵlıwmatlarına bola, 2025-jıldıń yanvar ayında tutınıw sektorındaǵı tovarlar hám xızmetlerdiń bahaları ortasha 0,7 procentke qımbatlaǵan.

Tutınıw sektorındaǵı bahalardıń jıllıq (2024-jıl yanvar ayına salıstırǵanda) ósiw dárejesi 9,9 procentti quraǵan.
2025-jıldıń yanvar ayında tutınıw bahaları indeksi quramında azıq-awqat ónimleriniń bahaları ortasha 0,8 procentke, azıq-awqatlıq emes tovarlar 0,3 procentke hám xalıqqa tólemli xızmetler kórsetiw bahaları ortasha 1,1 procentke artqanı baqlanǵan.
Bul esap-sanaqlardı ámelge asırıw ushın 10 mıńnan artıq sawda orınları hám xızmet kórsetiw obyektlerinde 120 mıńnan zıyat bahalar dizimge alınǵan.
420 túrdegi azıq-awqat hám azıq-awqatlıq emes ónimler hám 90 túrdegi xızmetlerdiń bahaları baqlandı.

Qaraqalpaqstan xabar agentligi