Ózbekstan Respublikası Prezidenti, Qurallı Kúshler Joqarı sárkardası Shavkat Mirziyoevtiń basshılıǵında mámleketimizdiń qorǵanıw qábiletin bekkemlew máselelerine baǵıshlanǵan májilis bolıp ótti.

Qorǵanıw ministriniń áskerlerdiń jawıngerlik tayarlıǵı hám qábiletin arttırıw, bólim hám bólimshelerdi hár tárepleme tayarlaw, olardı zamanagóy qural-jaraq hám áskeriy texnika menen támiyinlew, sonday-aq, Ózbekstan Qorǵanıw sanaatı agentliginiń jumısın jetilistiriw boyınsha belgilengen wazıypalardıń orınlanıwı hám ámelge asırılıp atırǵan ilajlar haqqındaǵı esabatı tıńlandı.
Mámleket basshılıǵı tárepinen armiyanıń jawıngerlik imkaniyatın hám jeke quramnıń mánawiy-ruwxıy jaǵdayın hár tárepleme bekkemlew, qural jaraq hám áskeriy texnikanı modernizaciyalaw, sonday-aq, qorǵanıw sanaatı kárxanaların rawajlandarıw baǵdarındaǵı jumıslardı dawam ettiriw zárúr ekenligi atap ótildi.
Jawıngerlik hám operativ tayarlıq ilajların jedellestiriw, áskeriy kárxanalardıń oficer kadrları hám injener-texnikalıq quramın professional oqıtıw sistemasın jetilistiriw zárúr ekenligi atap ótildi.
Májilis sońında mámleketimiz basshısı Qurallı Kúshlerdi jáne de rawajlandırıw hám mámleketimizdiń qorǵanıw qábiletin bekkemlew boyınsha tapsırmalar berdi.

ÓzA