Nókis qalasındaǵı Jaslar orayında «Jas kitapqumar» tańlawınıń Qaraqalpaqstan Respublikalıq basqıshı bolıp ótti.
Tańlawǵa respublikamızdıń barlıq aymaqlarınan jarıstıń aymaqlıq basqıshında jeńimpaz bolǵan jaslar qatnastı hám olar 3 jas kategoriyası boyınsha óz-ara bellesti.

Atap aytqanda, 10-14 jas aralıǵındaǵı jaslar arasında ótkerilgen tańlawda Tórtkúl rayonınan Ozodbek Rozimov birinshi, ámiwdáryalı Charosxon Safarboeva ekinshi hám qaraózekli Mapruza Qallibekova sıylı úshinshi orınlardı iyelewge miyasar boldı.
15-19-jas kategoriyasında bolsa, Qońırat rayonınan Diana
Tagabergenova birinshi, tórtkúlli Umida Geldieva ekinshi hám Ámiwdárya rayonınan Shaxzoda Xudayarovalar úshinshi orınǵa ılayıq dep tabıldı.
«Jas kitapqumar» tańlawınıń 20-30 jas kategoriyasında shomanaylı Temirbek Sársenbaev barlıq qarsılasların artta qaldırıp, tańlaw jeńimpazına aylandı.
Bozatawlı Biybayım Joldasbaeva ekinshi, Nókis rayonı turǵını Aygerim Eldesova sıylı úshinshi orınlardı jeńip alıwǵa eristi.
Tańlaw sońında jeńimpazlar shólkemlestiriwshiler tárepinen tayarlanǵan arnawlı Diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı